انتي فاشله سمعاني ج٢ منال علي
الجزء الأخير
مرّت تلات شهور…
وبطن منة بدأت تبان.
حياتها اتشقلبت، بس الغريب إنها لأول مرة من سنين بقت تنام من غير ما تعيط.
كانت كل زيارة للدكتورة بتأكد إن الحمل ماشي كويس، وإن التلاتة بيتابعوا نموهم كويس رغم إنه حمل متعب.
أما كريم…
فكان عايش حياته مع نرمين.
ينزل صور أكل، وخروجات، ويكتب تحتها:
> “الحمد لله على نعمة الاستقرار.”
ومنّة كانت كل مرة تشوف حاجة من دي…
تقفل الموبايل.
ولا تعلق.
ولا حتى تدعي عليه.
…
وفي يوم، وهي قاعدة في الشركة، تليفونها رن.
رقم غريب.
ردت.
— أستاذة منة؟
— أيوه.
— أنا المحامي أحمد رفعت… معايا توكيل من الأستاذ كريم.
قلبها دق مرة واحدة.
— خير؟ حكايات منــال عـلـي
— الأستاذ كريم طالب يرفع قضية طلاق رسمي… وكمان
عايز يثبت إن الحمل الحالي لا يخصه.
سكتت ثواني…
وبعدين ضحكت.
ضحكة خلت المحامي نفسه يسكت.
— حضرتك لسه معايا؟
— معاك.
— يعني… موافقة؟
قالت بمنتهى الهدوء:
— بلغ الأستاذ كريم إني مستنياه في المحكمة.
…
يوم الجلسة…
دخل كريم القاعة وهو واثق.
نرمين كانت ماشية جنبه، وإيديها على بطنها. متوفره على روايات واقتباسات
كل شوية تبص لمنة بابتسامة انتصار.
أما منة…
كانت داخلة بفستان حمل بسيط، وماسكة ملف أزرق في إيدها.
القاضي بص في الورق.
وبدأت المرافعات.
محامي كريم وقف وقال:
— موكلي انفصل عنها قبل ثبوت الحمل، وعنده شك في النسب.
القاضي بص لمنة.
— عندك رد؟
منة فتحت الملف بهدوء.
طلعت منه تاريخ آخر عملية حقن مجهري…
وتقرير المركز…
وتوقيع كريم بنفسه على
كل الموافقات.
وبعدين قالت:
— كل خطوة في العلاج كانت بموافقته… وكل الإجراءات تمت وهو موجود… ودي المستندات.
ساد الصمت في القاعة.
القاضي قلب الورق كله.
وبعدين رفع عينه ناحية كريم.
— المستندات دي عليها توقيعك؟
كريم بص للورق…
واتغير لون وشه.
— أ… أيوه.
حكايات منــال عـلـي
بعد أسابيع، صدر الحكم.
تم إثبات نسب الأطفال لأبوهم قانونًا.
واتطلقت منة رسميًا، مع إلزام كريم بكل حقوقها وحقوق أولاده.
خرجت من المحكمة وهي حاسة إن حمل كبير اتشال من فوق قلبها…
مش من فوق كتفها.
…
بعد أربع شهور…
في ليلة مطر خفيفة…
ولدت منة.
الدكتور خرج مبتسم.
— مبروك… تلاتة.
ولدين…
وبنت.
أمها كانت بتبكي من الفرحة.
وأول ما شالت أول طفل بينهم، همست وهي بتبوس راسه:
