بعد ما جوزي محمود اتوفى في حادثه ج١ منال علي
الجزء الاول 👇🏼
بعد ما جوزي محمود إتوفى في حادثة على الدائري، حياتي بقت سواد في سواد. بقيت أنا وبنتي الصغيرة تالين لوحدنا في وش الدنيا. الإيجار متراكم، وفواتير الكهربا والميه فوق دماغي، وكل يوم أصحى وأنا مش عارفة هجيب أكل لبنتي منين.
حكايات منــال عـلـي
اضطريت أبيع شبكتي قطعة ورا التانية، وحتى خاتم جوازي بعته وأنا بعيط عشان أسدد جزء من الديون. وفي أيام كتير كنت أتحجج إني شبعت، بس الحقيقة إني كنت بسيب آخر لقمة لتالين.
حصري على صفحه روايات واقتباسات
كل مرة أنزل أجيب طلبات، أفضل ألف على الأسعار وأحسب كل جنيه عشر مرات قبل ما أحط أي حاجة في السلة.
وفي يوم، فجأة لقيت باب الشقة بيخبط.
فتحت… لقيت ستي أمينة واقفة قدامي.
أول ما دخلت، بصت حوالين الشقة… الكنبة القديمة، الحيطان اللي بقت محتاجة دهان، وهدوم تالين اللي كانت ضيقة عليها ومهلكة من كتر اللبس.
حكايات منــال عـلـي
وشها اتغير وقالت وهي مخضوضة:
“إيه اللي إنتوا عايشين فيه ده يا ندى؟”
ابتسمت ابتسامة كلها وجع وقلت:
“الحمد لله… ربنا كريم.”
فضلت باصة لي شوية، وبعدها قالت جملة وقفت قلبي:
“طب وفلوس الـ3 مليون جنيه عملتوا فيها إيه؟”
حسيت إن نفسي اتقطع.
حكايات منــال عـلـي
بصتلها بعدم استيعاب وقلت:
“3 مليون جنيه؟! إنتِ بتقولي إيه يا ستي؟ أنا عمري ما شفت المبلغ ده.”
ملامحها اتقلبت في ثانية.
قالت بعصبية:
“أنا بعد وفاة محمود بأيام حولتهم مخصوص ليكي. خالتك سامية قالتلي إنك مكسوفة تكلميني بنفسك، وإنك محتاجة الفلوس عشان تعيشي إنتي والبنت.”
حسيت إن الأرض بتميد بيا.
يعني وأنا طول الشهور اللي فاتت ببيع دهبي، وأستلف من الجيران، وأعدي أيام من غير أكل… كان فيه مبلغ باسمي واختفى؟
خالتي سامية حاولت تدارك الموقف وقالت بسرعة:
“يا ماما… أكيد فيه حاجة متلخبطة.”
لكن ستي ولا حتى بصتلها.
طلعت موبايلها، واتصلت بمحاميها، وقالت بصوت كله حزم:
“أستاذ حسام… سيب أي حاجة في إيدك وتعالى حالًا. هات كشوفات البنك، وإيصالات التحويل، وكل ورقة تخص المبلغ ده. النهارده لازم أعرف فلوسي راحت لمين.”
قفلت المكالمة، ولفت تبص لكل اللي في البيت، وقالت بنبرة عمرهم ما سمعوها منها:
“محدش هيتحرك من هنا… إلا لما أعرف مين لعب في فلوس بنت بنتي… واللي مد إيده على حقها، أقسم بالله هخليه يندم حتى لو كان أقرب الناس ليا.”
ووووو
