جوزى بدأ يهددني بالطلاق منال علي

بنكي قديمة تثبت إنها كانت بتحول مرتبها من وظيفتها القديمة لحسابه الشخصي عشان يفكوا زنقة المحل.
لكن الصدمة الكبيرة اللي وقفت قلبها
كانت كشوفات الفيزا ومصاريف رامي اللي لقتها في حساب قديم مشترك.
فواتير فنادق خمس نجوم في الساحل وشرم.
عشاوات في مطاعم غالية في الزمالك.
هدايا ذهب وألماظ وتحويلات مبالغ غريبة.
وحاجات واضحة وضوح الشمس إنها ماكنتش ليها ولا لبيتها.
جمعت كل الورق ده في دوسيه كرتون كبير وراحت لداليا طايرة.
أول ما داليا شافت الورق عيونها لمعت وقالت الله ينور عليكي يا وحش كده إحنا ماسكينه من إيده اللي بتوجعه، ورقنا زي الذهب. بقلم منال علي
بعد أسبوع بالظبط، رامي رجع البيت وفتح الموضوع وهو بيغير هدومه في الريسبشن.
قال ببرود وتعالي ها يا نرمين فكرتي؟ هتمضي على ورقة التنازل ونطلق بالمعروف ونخلص، ولا حابة ندخل في محاكم وتتبهدلي؟
نرمين كانت قاعدة على الكنبة بهدوء وثبات غريب رامي مش متعود عليه.
بصتله في عينه وقالت أنا موافقة.. نطلق.
رامي اټصدم، ومبقاش عارف يقول إيه بجد؟
آه بجد. اطلب المأذون وحدد معاد.
قال بلؤم بس إنتِ مستوعبة إنك هتخرجي بالهدوم اللي عليكي ومن غير شقة؟
ابتسمت نص ابتسامة وقالت . بكره نشوف.
الابتسامة دي هزت ثقته في نفسه.. بس حاول يداري ورا كبريائه.
قال براحتك.. بكرة هكلم الشيخ ونرتب كل حاجة.
وفعلًا الطلاق تم عند المأذون بعد شهر. رامي كان طاير من الفرحة، حاسس إنه أخيرًا هرب بالثروة وهيبدأ حياته على نظيف مع ياسمين، البنت الشابة اللي شغالة معاه في فرع الشركة وكان مقضيها معاها بقاله سنتين.
أما نرمين لمّت حاجتها وسابت الشقة وقعدت في استوديو صغير إيجار جديد.
ورامي افتكر إن الفيلم خلص لحد هنا.
لكن بعد أسبوعين بالظبط
وصله محضر على الشغل باستدعاء للمحكمة.
دعوى إثبات شراكة وحق الكد والسعاية، ومطالبة بمستحقات شرعية.
المدعية نرمين أحمد عبد الحميد.
رامي فتح الحافظة والورق ووشه اتسحب منه الډم وبقى زي الليمونة المعصورة.
نرمين كانت طالبة تقييم نصيبها في شركة التوزيع والمحلات، وشقة التجمع، وفيلا الساحل، والعربيات.
المبالغ المطلوبة بالملايين.
قال پصدمة وذهول دي اټجننت رسمي! دي هتحجر عليا!
واتصل بمحاميه فوراً وهو بيزعق.
المحامي بعد ما راح المحكمة وشاف حافظة المستندات اللي داليا قدامتها، اتصل برامي وقاله بصوت واطي الموضوع كبير يا رامي بيه.. موقف طليقتك قوي جدًا. معاها إثباتات مادية وتحويلات بنكية وإيميلات تخلي أي قاضي يحكم لها وهي حاطة رجل على رجل.
رامي اتعصب وضغط على أسنانه بس كل حاجة مسجلة باسمي أنا في الشهر العقاري وعقود البيع باسمي!
المحامي رد عليه القانون دلوقتي بياخد بإثبات المساهمة الفعلية في زيادة الثروة أثناء الجواز.. والورق اللي معاها يثبت إنها شريكتك في الكفاح.
رامي قفل السكة وهو بيزعق
بدأت الجلسات في محكمة الأسرة.
وداليا كانت واقفة في المرافعة عاملة شغل عالي وزلزال في القاعة.
طلعت العقود القديمة.
والتحويلات البنكية من حساب نرمين.
والرسائل والإيميلات الرسمية.
وأثبتت إن نرمين

مش بس كانت ست بيت، دي كانت شريكة أساسية ضحت بشغلها ومستقبلها وتنازلت عن مرتبها عشان تكبر اسم رامي.
ومش بس كده.. داليا قدمت فواتير الفنادق والهدايا اللي رامي كان بيصرفها على ياسمين من الفلوس المشتركة.
وقالت للقاضي بصوت جهوري سيادة القاضي.. موكلتي كانت بتوفر القرش وتشيل البيت وتستحمل التعب، والمشكو في حقه كان بيصرف شقاهم على نزواته وعلاقاته الخارجية.
القاضي كان بيسمع بتركيز شديد وبيقّلب في الورق ويوزن الكلام.
أما رامي فكان قاعد في آخر القاعة ووشه أصفر وعرقان.
وبعد كام جلسة وتقارير الخبراء
الحكم نزل وصدم رامي.
المحكمة حكمت لنرمين بحقها في أصول الشغل والممتلكات بنسبة تقارب ال 60 بناءً على حجم مساهمتها وإثبات الضرر، مع إلزام رامي بالدفع أو الحجز التنفيذي خلال مهلة محددة.
أول ما القاضي نطق بالحكم، نرمين بصت لرامي بنظرة عزة.
كان قاعد على الدكة، مطاطي راسه في الأرض ومش قادر يرفع عينه في عينها.
بعد الجلسة خرج وراها في الممر وقال بغل مكتوم إنتِ لبستيني في الحيط ودمرتيني يا نرمين!
بصتله بمنتهى البرود والثقة لا يا رامي إنت اللي لبست نفسك وعملت العملة بإيدك. إنت افتكرتني هبلة وهخاف وأسكت على خېانتك وقسوتك واستهوانك بيا.
قال بعصبية وصوت يرعش جبتي الورق والملفات القديمة دي منين؟
كنت شايلاهم في مكان أمين. أنا شوفتك بتتغير وتتكبر عليا من زمان وكنت عارفة إن هيجي يوم تغدر بيه، فكنت مأمنة نفسي.
سكت شوية وبص للأرض وقال أنا معنديش السيولة دي كلها عشان أدفعلك ملايين.. الشركات هتقع.
ردت عليه ببرود قاټل بيع.. بيع فرع من المحلات، بيع عربيتك الزيرو، بيع فيلا الساحل.. دي مشكلتك إنت مش مشكلتي.
ولفت ضهرها عشان تمشي.
نادى عليها بصوت مبحوح نرمين!
بصتله بطرف عينها.
قال بصوت مكسور ومليان ندم أنا كنت فاكر إنك بتحبيني ومستحيل تؤذيني.
ابتسمت بحزن وۏجع قديم أنا حبيتك فعلًا.. خمستاشر سنة كاملة كنت بشيلك على راسي وبستحمل المر عشانك. بس إنت اللي دست على الحب ده برجليك وافترِيت.
وسابته ومشيت وكعب جزمتها بيسمع في ممر المحكمة.
رامي اضطر يبيع فيلا الساحل وفرعين من المحلات عشان يسدد فلوس نرمين ويتجنب الحجز والحبس، وبسبب نقص السيولة والمشاكل، شغله بدأ يتهز ويقع في السوق بقلم منال علي
أما ياسمين أول ما عرفت إنه اتمص ومبقاش معاه القرش اللي بيجري في إيده، وبدأ يتزنق ماديًا، سابته واختفت من حياته ودورت على غيره.
ونرمين؟
خدت الفلوس وفتحت مكتب محاسبة واستشارات مالية كبير خاص بيها في التجمع. رجعت لشغفها القديم ولنفسها اللي تاهت.
ومع الوقت والتركيز، المكتب كبر وبقى ليه اسم معروف جداً.
اشترت شقة شيك على ذوقها، وجابت قطة هادية، وبقت عايشة بروقان بال وراحة لأول مرة من سنين طويلة. وداليا كانت بتجيلها كل يوم جمعة، يقعدوا يشربوا قهوة ويضحكوا على الأيام الصعبة وشكل رامي في المحكمة.
وفي يوم.. كانت نرمين بتشتري حاجات
من مول شهير، وقابلته صدفة.
كان شكله هلكان، وشه عجّز وكبر عشر سنين، والهم باين عليه.
بص لجمالها وأناقتها وقال بصوت واطي عاملة إيه يا نرمين؟
ابتسمت برقة وقالت الحمد لله.. أحسن من أي وقت فات.
وسابته وكملت طريقها.
رامي فضل واقف في مكانه، باصص عليها وهي ماشية وسط الناس بثقة وفخر.. لحد ما اختفت من قدام عينه.
وقتها بس.. وهو واقف لوحده في زحمة المول، فهم إن أكبر وأغلى حاجة خسرها في دنيته.. ماكنتش الفلوس ولا المحلات.
كانت هي.
تمت