ورد خالتي

ود خالتي محمد متزوج، ما شاء الله، وربنا رزقه أولاد وبنات، تبارك الله.
أكبر واحدة من بناته متزوجة، وولدها عمره ٣ سنوات، وولده مغترب والباقين في المدارس مختلف المراحل .
المهم، فجأة كدا قال عاوز يتزوج بت خالتنا التانية، وهي يتيمة، مربياها خالتي التانية من كانت طفلة، واسمها منال .
منال ما شاء الله جميلة ومهذبة ومتعلمة والغريبة اتقدموا ليها من الاسرة ومن خارج الاسرة شباب مناسبين لعمرها بس كانت بترفض
ووافقت ب محمد وهو ممكن يكون قريب لسن ابوها صراحة حاجة محيرة لكن احتمال بتفتش عن النضج العاطفي وممكن صورة الاب وغياب القدوة .
زوجته وأولاده زعلوا ورفضوا إنو يتزوج، بس ما اهتم بكلام زول، وفعلاً تم الزواج، بالرغم من إنو فارق السن كبير جدًا؛ تقريبًا هي في عمر ولده الرابع.
المهم، ضغط على ولده المغترب إنو لازم يساعده، والأم قالت للولد ما تساعده ولا ترسل ليهو قرش واحد .
المهم، بمساعدة الأهل وولده، تمموا الزواج.
وطبعًا، زوجته زعلانة من كل زول حضر المناسبة، أكتر من زعلها من زوجها !
والعروس منال أصلًا عندها بيت عبارة عن ميراث أهلها، خلاص قعدوا في بيتها، ومع الأيام ربنا رزقهم بتوأم.
بعد فترة بسيطة كدا بدأت المشاكل، وسبحان الله، ما كان في بيناتهم أي احترام، لدرجة إنو كانت بتمد يدها عليهو، وكانت حاقرة بيهو شديد .
وأولاده الكبار كانوا بسمعوا وما بقبلوا إنها ټضرب أبوهم، فكانوا مرات بعملوا معاها مشاكل كتيرة، في المناسبات بحكم اننا اسرة واحدة الناس بتتلاقى . وهو مسكين كان محرج شديد .
الحقيقة، هي شباب وصحتها سمحة، وهو بقى ضعيف وصحتو تعبانة شديد وفرق السن ظهر أكتر بيناتهم ومسكين مرض وحتى شكله اتغير . ناس أمي كانوا بقولوا ليهو سوار الدهب ههه على اسم المشير المرحوم سوار الدهب لانه كان وسيم تبارك الله .
يوم من الأيام، بناته سامية وسمية كانوا في بيت مناسبة جمب بيت أبوهم قالوا نمشي نشوف أبونا، ما دام هو ما بيسأل .
أها، لمن وصلوا، لقوه مسكين زوجته ماسكاهو من رقبته وصوتها يلعلع.
قامن الاتنين اتلمن وقاموا يضربوها، إلا الجيران طلعوا وفكوها منهم .
الحقيقة منال اتغيرت كانت مسالمة ومسكينة وما زولة مشاكل ابدا .
وبالرغم من إننا أسرة واحدة، لكن حصل شرخ كبير داخل الأسرة، وتقريبًا بقت في مقاطعة.
والقصة بقت لو مشيت لمنال، زوجته وأولاده باقي الأسرة يزعلوا منك، ولو مشيت ليهم هم، منال والبقية يزعلوا.
والله بقينا زي الحرامية، الزيارات بالدس خوفا من المشاكل وسبحان الله يعني الزيارات العائلية بقت سبب مشاكل في الأسرة.
بالتأكيد، دا حق كفلو الشرع والقانون للراجل، وهو زواج صحيح شرعًا ومباح في الأصل لو عنده المقدرة المالية والبدنية للزواج، ودا ما معناه إنو يتخلى عن واجباته، وما عندنا اعتراض نهائي بالتأكيد.
لكن، طبعًا، إهمال أسرته الأولى،