3 سنين ج1 علي ابو الدهب
فريدة رجعت القاهرة مع مازن بس مكنتش نفس الست الضعيفة
بدأت تدرس قانون وإدارة أعمال بالليل وتشتغل بالنهار في شركة شحن كبيرة
كانت بتجمع كل قرش عشان تبدأ خطتها
مازن كبر سنة وبقى عنده 10 سنين ونظرة الحزن في عينيه اتحولت لإصرار
فريدة قدرت بعد مجهود رهيب تنقل شغلها لفرع الشركة في شرم الشيخ
غيرت طريقة لبسها وكلامها وبقت مسؤولة الحسابات لعملاء VIP
وفي يوم كان هو المفاجأة
موريس دخل الشركة مع مراته كاميليا عشان يخلصوا أوراق شحنة أثاث فاخر من برة
فريدة حطت النضارة السودا على عينيها واتعاملت بكل برود وثبات
موريس: يا فندم الشحنة دي لازم تخلص النهاردة مش عايز تأخير
فريدة بصوت متدرب ومستعار: تمام يا فندم أوراقك جاهزة بس محتاجين توقيعك بالاسم الجديد
أحمد اترعش لما سمع كلمة الاسم الجديد بس فريدة عدت الموقف كأنه طبيعي
بدأت فريدة تسرب معلومات من تحت الترابيزة عن غسيل أموال بيعمله أحمد لحساب عيلة كاميليا
وعرفت إن كاميليا نفسها متعرَّفش حقيقته وفاكرة إنه رجل أعمال لبناني مصري هربان من مشاكل سياسية
في نهاية السنة التانية مازن بقى عنده 11 سنة
كان بيساعد أمه في ترتيب الملفات اللي بتثبت إن أحمد عايش وبيستخدم هوية مزورة
فريدة جمعت كل الأدلة والمستندات اللي تدين أحمد بتزوير الهوية والنصب والهروب من أحكام قضائية
وفي حفلة سنوية كبيرة نظمتها شركة كاميليا فريدة قررت تنهي اللعبة اللي استمرت 3 سنين
فريدة دخلت القاعة وهي لابس فستان أسود أنيق ومازن واقف جنبها ببدلة كاملة
أحمد كان واقف بيتفشخر قدام رجال الأعمال وفجأة عينه جت في عين فريدة
وشه اتقلب ألوان وجسمه بدأ يترعش لما شاف ابنه مازن كبر وبقى شابه تماماً
أحمد انسحب من الحفلة وراح ورا المطبخ وفريدة لحقته مع مازن
أحمد بذهول وخوف: فريدة؟ إنتي إيه اللي جابك هنا؟ وإزاي عرفتي مكاني؟
فريدة بكل قوة: بقالي 3 سنين مستنية اللحظة دي يا أحمد يا موريس يا اللي بعت ابنك عشان الفلوس
أحمد: أنا كان غصب عني كنت هتحبس والديون كانت هتخرب بيتنا
مازن: إنت كداب يا بابا أنا شفتك وأنا عندي 9 سنين وكنت بتلعب في دبلتك عشان بتكذب والنهاردة أنا عندي 12 سنة وجاي أشوفك وأنت بتدفع تمن كدبك
في اللحظة دي دخلت كاميليا ومعاها رجال الشرطة اللي فريدة بلغتهم بكل الأدلة قبل الحفلة بساعة
